4º ROTEIRO

 


   Antes das festas do nadal, faremos o cuarto e último roteiro de ano, no que iremos o concello do Corgo.
   Alí faremos unha ruta circular moi doada arredor da VIA KÜNIG unha variante medieval do camiño francés descrita polo monxe alemán KÜNING. Un patrimonio cultural que os concellos polos que pasa están a recuperar e sinalizar para volver a recibir pelegrins outra vez.

      BOA CAMIÑADA!

FOTOS MAGOSTO 2019

Todo un éxito a pasada festa do MAGOSTO!!!
Aquí vos deixamos unha mostra:

MAGOSTO 2019

O vindeiro LUNS 11 de Novembro, ás 17.15 h na entrada do Instituto (ou no pabellón si as condicions meteoroloxicas son adversas) a ANPA, en colaboración co centro, CONVIDA a toda a comunidade educativa á festa do MAGOSTO (haberá castañas e petiscos).

ESPERAMOSVOS  A TODOS!!

3º ROTEIRO

   Desta volta, camiñaremos polo Bosque da foz das Aceas, á beira do río Sarria, por sendas entre castiñeiros,salgueiros e ameneiros, vestidos de outono. Descubriremos vellos muíños e fermosas presas entre pasarelas de madeira. Xa pola tarde, faremos unha visita ao MUVICLA, o museo de maquinaria agricola de Trasliste (Láncara). A visita será ás 16.30, polo que as familias que o desexen terán que estar a esa hora na entrada do MUVICLA, O prezo da visita é de 3.50 euros por persoa, e para os menores de 5 anos, de balde.
  Boa camiñada.

2º ROTEIRO POLA COMARCA

 Neste segundo Roteiro visitaremos a comarca do Ulloa, e máis concretamente o concello de Palas de Rei. O roteiro levaranos a tempos medievais xa que recorreremos as inmediacións do Castelo de Pambre, un lugar cheo de historia, onde faremos unha ruta de iniciación de 6 Km o carón do rio, rodeados de castiñeiros e carballos, visitaremos o castelo e o camiño real, comeremos castañas por cortesia da asociación socio-cultural veciños Ulloa-Sambreixo e haberá algunha que outra sorpresa máis para os que nos acompañades nesta ocasión.
 BOA CAMIÑADA.

PRIMER ROTEIRO POLA COMARCA

   Co comenzo do Outono temos o primeiro roteiro do curso 2019-20.
   Esta vez iremos á comarca de Castroverde. Faremos "A CONTORNA DE SOUTOMEIRILLE", un camiño de 6 Km faciliño e rodeado de castiros e carballos.

   A saida será dende o instituto ás 10:00 para dirixirnos o lugar de aparcadoiro de onde parte a ruta. Os que queiran comer pola zona despóis da ruta, hai feira quincenal en Castroverde e distintos restaurantes. Boa camiñada!

ACTIVIDADES EXTRAESCOLARES

ASAMBLEA ANPA 2019-20

PREZADAS FAMILIAS,

   A Xunta Directiva da Anpa convócavos á ASAMBLEA XERAL ORDINARIA,
o próximo xoves 16 de setembro, ás 20.00h no salón de actos do centro.

BANCO DE LIBROS SETEMBRO 2019

O vindeiro Martes 17.

HORARIO:

Recollida de libros: as 17h

Entrega de libros adxudicados as 18h.

O prazo para cubrir as solicitudes remata o luns 16 as 23.59h.

FECHA E HORARIOS BANCO DE LIBROS

O PRÓXIMO MÉRCORES 3 DE XULLO

RECOLLIDA DE LIBROS: de 17 a 18h.

ENTREGA DOS LIBROS ADXUDICADOS: de 18 a 19h.

BANCO DE LIBROS 2019-2020

Outro ano máis, a ANPA do IES Sanxillao (Lugo) pon en marcha o Banco de Libros, sistema polo que a ANPA organiza o préstamo de libros empregados en ESO (de 1º a 4º).

Este sistema ríxese polas bases que poderás descargar neste documento.

Aportacións

Para que este sistema funcione necesitamos da aportación desinteresada de libros que xa non precisen as familias. Se este é o voso caso e queredes aportar libros, pregamos que cumplimentedes o seguinte formulario para aportar / devolver libros.

Moitas grazas pola vosa colaboración.

Solicitudes

No caso de que desexedes solicitar libros, deberedes cumplimentar estoutro formulario para solicitar libros.

II FESTA DA INTEGRACIÓN E A DIVERSIDADE

Na tarde do luns 6 de maio celebramos no IES Sanxillao a II Festa da Integración e a Diversidade, na que participaron preto de 300 alumnos/as do instituto.

Festa dos Maios

A primeira actividade programada foi confeccionar o Maio; actividade na que participaron varios/as alumnos/as do centro.

Para a súa confección empregouse xestas e outros arbustos recollidos o día anterior, que se foron colocando na estrutura de madeira.

Entrega de premios, sorteo e actuación musical

A continuación, exhibíronse dous vídeos, confeccionados por alumnos/as de 2º ESO, e presentados ao 2º Concurso de Integración "Xuntos/as todos/as sumamos", co lema "Iguais e Diferentes".

Nestes vídeos, remarcábase a importancia do respecto aos demais así como a necesidade de traballar pola integración.

Acto seguido, procedeuse a sortear entre os/as asistentes diversos agasallos donados por empresas da zona.

A continuación, Silvia (voz) e máis Edgar (teclado e voz), alumnos do centro, interpretaron varias cancións para os/as presentes.

Para rematar, os/as asistentes disfrutaron dunha merenda, a base de pinchos elaborados polo profesorado e alumnado do ciclo de Hostalaría, e bebidas.

Agradecementos

Para levar a cabo este evento, contamos coa inestimable colaboración da dirección e persoal do IES e do Ciclo de FP do centro, así como das entidades seguintes (por orde alfabética):

• Anpa CEIP Illa Verde (Roi Xordo)
• Bar As Lendas (Avda. Fontiñas)
• Cafetaría Val do Neira (Avda. Fontiñas)
• Café-Bar Madeira (Avda. Fontiñas)
• La Torta (Pza Maior)
• Libraría Campus (Ronda das Mercedes)
• Libraría María (Avda. Fontiñas)
• Libraría Soños de Papel (Pza. Augas Férreas)
• Lugocopia (Pza. Augas Férreas)
• Mercadona (Rof Carballo)
• Pizzería Bocalino (Fonte do Rei)

II FESTA DA INTEGRACIÓN E A DIVERSIDADE

2º CONCURSO INTEGRACIÓN SANXILLAO

ALUMN@S ANIMADEVOS A PARTICIPAR!!!