25 de novembro: Día Internacional contra a Violencia de Xénero

FAPACEL: "ESCOLA DE HABILIDADES SOCIAIS"

A FAPACEL pon en marcha o convenio asinado coa Vicepresidencia primeira da Deputación de Lugo "COA EDUCACIÓN POR DIANTE",

Este mes de novembro presentaremos a guía Escola  de Habilidades Socias con charlas dirixidas a familias con nenos e nenas de 4 a 12 anos.

Nesta guía atoparanse orientacións para favorecer a adquisición de habilidades básicas de relación social. Está dividida en diferentes partes, na primeira dáse unha explicación do que son as habilidades sociais e a importancia que ten a súa adquisición. Na segunda parte explícanse os diferentes estilos de interacción social, amosando as características de cada un deles mediante unha situación práctica. A continuación, aprenderanse unha serie de pautas educativas para a resolución de conflitos. E para finalizar, destacaremos diferentes mitos sobre as interaccións sociais para reflexionar entre todas e todos

Para facilitar a asistencia das familias ás charlas as nenas e nenos terán un Obradoiro sobre o Conto Popular.

No mes de decembro, unha vez realizadas todas as charlas,enviaranse guías as anpas asociadas para repartir ás familias socias que as soliciten.

Día do Ensino: a difícil tarefa de participar na Educación

Hoxe, 30 de outubro, é o día do Ensino; e o conselleiro de educación lémbranos que é unha xornada no que toda a sociedade bota unha ollada ao seu redor, revisa e renova o compromiso coa instrución e coa formación; pero realmente só é unha xornada non lectiva, onde ninguén olla para ningures porque as canles de revisión e renovación están pechadas, como os colexios nun día como hoxe, no que por ser a súa festa deberían estar abertos a toda a comunidade educativa para utilizalos como lugar de reflexión, debate e traballo sobre o ensino que queremos, e sobre o ensino que estamos facendo.
As familias, que somos certamente o principal axente formativo, non queremos confiar a ninguén o noso ser máis querido e marchar de alí mentres o forman ou instrúen, o que desexariamos facer é participar na formación dese ser e de todos os demais, porque somos representantes e parte da sociedade toda, e estar presentes na vida educativa como o piar fundamental que somos e que reivindicamos ser.
Leer máis no seguinte enlace:
http://www.anpasgalegas.org/2015/10/dia-do-ensino-a-dificil-tarefa-de-participar-na-educacion/

XUNTA DIRECTIVA 2015-16

PRESIDENTE: Luis Blanco Rivadulla
VICEPRESIDENTA: Lidia Sendón Esperante
SECRETARIA: Mª Nieves Vergaz Arana
TESOUREIRA: Mª Ascensión García Pecharromán
VOGAIS:
               Nuria Gómez Rojo
               Marta Carballé Roselló
               Alfonso Huertas Sánchez
               Domingos Amigo González